Ashtu sic ishte paralajmëruar edhe më herët, kanë mbërritur në gjirin e Vlorës, dy anijet e para që prodhojnë energji elektrike, të cilat do të ndihmojnë në plotësimin e nevojave për energji. Dy anijet janë vendosur në zonën e Triportit dhe sipas kontratës që është nënshkruar në prill, do të prodhojnë 114 megavat/orë energji për dy vite. Sipas parashikimeve, anijet pritet të përmbushin 15% të kërkesës së vendit për energji, ndërkohë që do të qëndrojnë në spirancë përpara hyrjes së terminalit Vlora-1 (PIA) ku do të shkarkojë anijen gjenerator.