Top News – Duhet në Stacion i ri hapësinor! /NASA jep 415 milionë dollarë, i vjetri del në pension

Agjencia hapësinore amerikane NASA ka ndarë 415 milionë dollarë për tre kompani për zhvillimin e stacioneve hapësinore komerciale që në të ardhmen do të mund të zëvendësojnë stacionin hapëisnor ndërkombëtar që është i destinuar të dalë në pension në fund të kësaj dekade. Tre shoqëritë janë Blue Origin e Jeff Bezos, Nanoracks dhe Northrop Grumman, të cilave i kanë shkuar respektivisht 130, 160 dhe 125.6 milionë dollarë. Lajmi është kofnirmuar nga mediat amerikane. Më herët, një nga njerëzit më të pasur të botës, Jeff Bezos, kishte thënë se do të shpenzonte 2 miliardë dollarë nga pasuria e tij personale për projektet hapësinore e madje kishte prezantuar edhe projektin e tij për stacionin e parë privat komercial në hapësirë. Bezos ka qenë më herët i zemëruar me NASA-n pasi kjo e fundit ia akordoi kontratat për transportin e astronautëve në hapësirë rivales së Blue Origin, SpaceX të supermiliarderit tjetër, Elon Musk.