E përditshmja britanike Sunday Times, shkruan se janë gjetur gjurmë kokainë në disa vende në të cilat kanë akses vetëm persona me bexhën e parlamentarëve në Londër. E tani, po flitet edhe për dërgimin e qenve anti drogë në parlament, për të frenuar një fenomen që me sa duket po merr përmasa gjithnjë e më të mëdha. Kryetari i dhomës së deputetëve, sir Lindsay Hoyle, ka premtuar një hetim dhe këtë javë, një komision parlamentar do të merret me rastin – shkruan Times. Ndërkohë, është lëshuar një paralajmërim për këdo që mund të fusë kokainë apo substanca të tjera të paligjshme në parlament dhe sic ka konfirmuar kryetari, cështja po konsiderohet një prioritet dhe se ligji do të aplikohet me efikasitet të plotë, me sanksione të rënda për të gjithë ata që shkelin rregullat.