Tre vite burg dhe nëntë muaj të falura; ky është dënimi që i është dhënë në SHBA Emma Coronel Aispuro, bashkëshortja e mbretit të narkotrafikut, El Chapo, për trafik droge dhe pastrim parash. Një dënim më i vogël ky nga katër vitet burg që kërkoi prokurori. Gjykatësi federal, Rudolf Contreras, ka pranuar se ish mbretëresha e bukurisë, tani 32 vjecare, që u deklarua fajtore pas arrestimit të saj shkurtin e kaluar, ishte ende një adoleshente kur u martua me bosin e drogës. Pas tre viteve burg, sidoqoftë, ajo do të jetë edhe për katër vite nën mbikqyrjen e autoriteteve, bashkë me një garanci prej 1.5 milionë dollarësh.