Një bandë italo-shqiptare e trafikut të narkotikëve është shkatërruar plotësidht pas hetimeve të Policisë italiane, me informacione që janë marrë edhe nga vende të tjera të Evropës. Mes 29 të arerstuarve janë edhe 3 shqiptarë. Operacioni është zhvilluar gjatë orëve të para të mëngjesit të së premtes për të vijuar edhe gjatë fundjavës me gjetjen e provave dhe një sasie parash e kokaine në banesat e të arrestuarve. Për të gjithë u zbatuan urdhrat e lëshuara nga gjykata. Konkretisht shtatë prej tyre u lanë në burg, dhjetë në “arrest shtëpie”, tre në “ndalim qëndrimi” dhe pesë të tjerët u lanë në masën “detyrim paraqitje”. Ndërsa për katër të tjerë u vendos që të lihen të lirë.