Më herët këtë muaj, Moska paraqiti një draft që kërkonte që Nato të mos pranonte anëtarësimin e ukrainës dhe republikave të tjera ish sovjetike dhe të bënte prapa me aktivitetet ushtarake në evropën qendrore dhe atë lindore. Putin i ka kërkuar perëndimit të lëvizë shpejt për të plotësuar kërkesat, duke paralajmëruar se Moska do të detyrohet të marrë masa ushtarako-teknike nëse perëndimi vazhdon kursin e tij agresiv në afërsi të kufijve rusë. I pyetur specifikisht se cila do të ishte përgjigjia e Moskës, ai tha në komente të transmetuara nga televizioni shtetëror rus, se gjithcka do të varet nga propozimet që ekspertët ushtarakë do ti japin atij. SHBA dhe aleatët kanë refuzuar ti ofrojnë rusisë garancitë që Putin do për Ukrainën, duke cituar parimin e natos se anëtarësia është e hapur për cdo vend të kualifikueshëm. Ato sidoqoftë kanë rënë dakord të nisin bisedime sigurie me Rusinë, muajin e ardhshëm, për të diskutuar shqetësimet e saj. Putin tha se bisedimet me SHBA do të mbahen me Gjenevën dhe paralelisht do të ketë edhe negociata mes Rusisë dhe NATO-s. ndërkohë, diskutime më të gjera pritet të zhvillohen nën kornizat e OSBE-së.