Vladimir Putin raportohet se po planifikon sulm blitz me bomba mbi Ukrainë dhe shantazh bërthamor mbi perëndimin në kuadër të një përpjekjeje të tij për të rikrijuar Bashkimin Sovjetik. Kjo tregohet në një dosje sekrete, në duart e inteligjencës ukrainase, që paralajmëron se moska do përpiqet t’i shfrytëzojë biseidmet e paqes me SHBA si një fasadë për përgatitje akoma më të mëdha ushtarake në kufijtë e Ukrainës. Dosja, që është parë nga Daily Mirror, pretendon se përpjekja për të qetësuar Putinin gjatë bisedimeve, mund të cojë në rritjen e agresionit rajonal rus e deri në një luftë të vërtetë që do të cënonte edhe demokracitë perëndimore. Dokumenti që analizon trajnimin e ushtrisë ruse, thotë se trupat janë përgatitur për një bombardim të ukrainës dhe vendeve të tjera ish sovjetike përmes sulmeve të shpejta të forcave ajrore dhe atyre speciale. Dhe sipas Mirror, zbulimi ukrainas beson se Moska ka zgjedhur një strategji të shantazhit bërthamor, përhapjen e konflikteve të armatosura lokale me elementë të luftës hibride, intensifikimin e spiunazhit, provokimet dhe sabotazhin, presionin ekonomik dhe përhapjen e korrupsionit global në perëndim. Kjo sipas raportit, ka si qëllim neutralizimin e ndikimit perëndimor dhe krijimin e një hapësire tregtare e si pasojë edhe kthim në Bashkimin Sovjetik. Gjithcka ndodh ndërkohë që trupat ruse vazhdojnë të mblidhen në kufirin me ukrainën duke ndezur shqetësimet se Putin mund të jetë duke u përgatitur për një luftë të shkurtër e të shpejtë, brenda ditësh tashmë.