Një gjykatës federal të shtunën bllokoi përkohësisht çdo deportim që do të ndodhte sipas një ligji të përdorur gjatë luftës nga Presidenti i SHBA-së, Donald Trump, për të përshpejtuar dëbimin e anëtarëve të dyshuar të bandës venezueliane Tren de Aragua. Disa orë më parë, Trump iu referua Aktit të armiqve të huaja të vitit 1798 kundër grupit, duke thënë se Shtetet e Bashkuara po përballeshin me një "pushtim" nga një organizatë kriminale që ka qenë e lidhur me rrëmbimet, zhvatjet, krimin e organizuar dhe vrasjet me pagesë. Gjykatësi James Boasberg lëshoi një urdhër ndalimi të përkohshëm për 14 ditë. Boasberg tha se akti "nuk ofron një bazë për shpalljen e vendimit të presidentit duke pasur parasysh se termat pushtim, inkursion, grabitqar, lidhen në të vërtetë me akte armiqësore të kryera nga një komb ". Duke iu referuar aktit, Trump tha se anëtarët e bandës "po zhvillonin një luftë kundër Shteteve të Bashkuara" me qëllim destabilizimin e vendit.