Një ndryshim drastik i kushteve të motit ka prekur kroacinë dhe slloveninë, me luhatje të pabesueshme të temperaturës dhe me reshje bore në disa zona. Në zagreb, temperatura ra me 20 gradë celcius brenda vetëm 24 orëve. Të martën, në orën 14.00, termometri shënonte 27 gradë celcius, ndërsa të mërkurën, 7 gradë celcius. Disa foto të publikuara në mediat sociale, tregonin borë që binte në Medvednica, në kroaci. Ndërkohë, agjencia e motit ka lëshuar një paralajmërim portokalli për zonën jugperëndimore dhe atë qendrore të sllovenisë për shkak të erës së fortë dhe reshjeve të borës. Edhe në slloveni, temperaturat ranë me më shumë se 10 gradë celcius ndërkohë që luhatje të ngjashme janë shënuar edhe në Kosovë.