Më 21 prill, mbretëresha elisabetë mbush 95 vjec, dhe ajo nuk do të jetë një ditë e lumtur. Për të parën herë në 73 vjet, ajo nuk do të ketë pranë saj, bashkëshortin e dashur, princin filip, që u nda nga jeta më 9 prill. Nuk do të mundet as të shijojë të plotë familjen e saj të madhe, mes fëmijëve, nipave e stërnipave, për shkak të kufizimeve anti covid. Për të mos e lënë vetëm, sidoqoftë, familjarët e saj janë organizuar në mënyrën më të mirë të mundshme, duke planifikuar vizita me rotacion, në mënyrë që ti bëjnë asaj shoqëri. Largimi i harryt nga familja, fjalët e Meghan Markle në TV, kanë qenë goditje të rënda për mbretëreshën gjatë vitit të shkuar. E atyre i janë shtuar edhe elementë të tjerë më të rëndë, si pandemia, izolimi i gjatë dhe në përfundim edhe ndarja nga jeta e princit Filip. Pra nuk flitet për festime, para së gjithash për shkak se mungon dëshira. Por djemtë dhe nuset e sovranes, nuk duan ta lënë atë vetëm dhe kanë vendosur të alternohen në krah të saj, në atë që ëhstë quajtur ditrëlindja më e trishtë e mbretëreshës. Do të jenë pranë saj me radhë, vajza Anna, Kamila bashkëshortja e Carlsit dhe Sofia, kontesha e ueseksit dhe bashkëhsortja e princit Eduard. Kate Midleton, që nuk ka marrë ende vaksinën, do të ketë një rol në distancë. E vetmja rreze dielli në qiellin me re, duket se ëhstë riafrimi i Uilliamit dhe Harry-t, djemve të princeshës diana, dikur shumë të bashkuar por ta distancuar për shkak të mosmarrëveshjeve ligjore dhe pozicioneve kundrejt familjes mbretërore të këtij të fundit dhe bashkëshortes meghan. Në funeralin e gjyshit, dy djemtë kanë patur mundësinë të flasin ballë për ballë dhe duket se raportet kanë nisur të shtensionohen. Harry ka shtyrë madje edhe kthimin në shba për ti qëndruar pranë gjyshes në ditën e ditëlindjes së saj.