Numri i viktimave nga koronavirusi në Itali kapërceu 100,000 të hënën, një rekord i zi ky për vendin fqinj, që e rendit në këtë mënyrë atë të shtatin pas Shteteve të Bashkuara, Brazilit, Meksikës, Indisë, Rusisë dhe Britanisë. Vetëm në 24 orët e fundit siaps ministrisë italiane të shëndetësisë, kanë humbur jetën 318 pacientë. Pikërisht kjo shifër bëri që të kapërcehej pragu i dhimbshëm i 100 mijë jetëve të humbura prej sëmundjes që ka gjunjëzuar botën. Nuk frenon as numri i infektimeve; italia ka regjistruar edhe 20,765 raste të reja me koronavirus. Duket se të prekurit janë shtuar me gati 23 për qind javën e kaluar, në krahasim me javën paraprake. Zyrtarët shëndetësorë kanë paralajmëruar se vendi përballet me rritje të re të infektimeve për shkak se ate ka marrë hov një variant më ngjitës i Covid 19. Pranverën e vitit të kaluar, Italia u bë vatra e para e koronavirusit në Europë, dhe sot, që prej fillimit të pandemisë numëron mbi 3 milionë të infektuar. Italia id ha së fundi driten jeshile perdorimit të vaksinës AstraZeneca tek njerëzit mbi moshën 65 vjeç.