Komisioni i Jashtëm i Parlamentit Europian diskutoi projekt-raportin për Shqipërinë, Kosovën, Maqedoninë e Veriut dhe Serbinë. Shqetësimet për klimën e polarizuar politike në vend nuk munguan, megjithatë eurodeputetët e mbështëtën celjen e negocjatave. Draft-raporti u prezantua nga raportuesdja për Shqipërinë në PE, Isabel Santos, e cila ngriti disa shqetësime, ndërsa theksoi se duhen vazhduar reformat e përmendi dhe marrëveshjen e 5 qershorit për ndryshimet në Kodin Zgjedhor të arritura me konsensus mes palëve. Ky eshte nje draft fillestar dhe sic ndodh shpesh ka gjasa te ndryshoje. Do te kete mjaft amendime, por për shkak të situatës aktuale nuk kemi mundur të kemi lidhje të drejtpërdrejtë me vendet që përfaqësojme. Shqipëria është një vend I polarizuar, por ne nuk duhet të ndërhyjmë në këtë, në duhet të ndihmojmë në zbutjen e këtij fenomeni. Mua më shqetëson shoqëria civile, pjesëmarrja e saj në procesin politik. Nevojitet më shumë transparence dhe një vazhdim I reformave për të luftuar korrupsionin, krimin e organizuar, po kështu duhet kompletuar reforma e gjyqësorit. Gjithashtu marrëveshja e 5 qershorit duhet ruajtur për të mirën e vendit dhe të shqiptarëve. Një tjetër shqetësim që ajo ngriti ishte largimi I të rinjve nga vendi për një jetë më të mirë. Santos tha se “ ne duhet të krijojmë kushtet e nevojshme që ata të qëndrojnë dhe këtu, plani I investimeve per ballkanin, mund të luajë rol kyc. Eurodeputetë si Simecka Michal theksuan ndikimin negative të polarizimit politik e rëndësinë e reformës zgjedhore, dhe atë të përfshirjes së të gjithë liderëve politike. Thomas Waitz nga ana tjetër theksoi se shqiperia duhet ndihmuar. Nuk hyn ne pune te shtojme gjithmone me shume kritere per te filluar negocjatat, le te shkojme atje, le te flasim me njerezit dhe ta ndihmojme kete vend te zhvillohet ne drejtim te standarteve europiane e ta lejojme qe te hyje ne BE sa me shpejt qe te jete e mundur. Matuella Michela nënvizoi rëndësinë e gjykatës kushtetuese që Shqipëria të ecë përpara dhe të vendoset për Konferencën e parë ndërqeveritare. “Duhet bashkëpunim mes forcave politike. E vlerësojmë Shqipërinë për përpjekjet e saj dhe gjithëpërfshirjen në bashkëpunimin rajonal. KE është i gatshëm që të vazhdojë ta mbështesë Shqipërinë drejt rrugës së saj në BE”, u shpreh ajo.