Kancelarja Angela Merkel e dënoi ashpër e diplomatëve gjermanë nga Rusia duke e cilësuar ëtë lëvizje si një largim të mëtejshëm të Moskës nga shteti i së drejtës. Rusia njoftoi dëbimin e diplomatëve nga Suedia, Gjermania dhe Polonia, duke i akuzuar ata për pjesëmarrje në protesta të paligjshme muajin e kaluar kundër burgosjes së kritikut të Kremlinit Alexei Navalny. "Ne e konsiderojmë këtë dëbim të padrejtë," u shpreh Merkel pas një video-konference mbi çështjet e mbrojtjes dhe sigurisë me Presidentin francez Emmanuel Macron, duke shtuar se të dy I kishin marrë njoftime për dëbimet e diplomatëve gjatë kohës së takimit. Kancelarja Merkel gjithashtu tha se Gjermania ështe gati të vazhdojë sanksionet ndaj Rusisë, përfshirë edhe kundër individëve të caktuar, edhe pse shtoi se ështe një "detyrë diplomatike" të mbahen të hapura kanalet e komunikimit me fqinjin e madh lindor të Europës. Kjo pwrplasje megjithatw nuk do ta lwkundw Berlinin nga pozicioni I tij favorizues ndaj gazsjellësit Nord Stream 2, që kundërshtohet nga Shtetet e Bashkuara dhe pjesa më e madhe e kontinentit të vjetër. Projekti, i ndërtuar për të shtuar furnizimet e gazit rus në Europë dhe për të anashkaluar Ukrainën, ka hasur në kundërshtimin e Washingtonit, i cili dëshiron të shesë gazin e tij në Bashkimin Europian dhe të pakësojë mbështetjen e rajonit në furnizimet e energjisë nga Moska.