Diplomacia do jetë gurthemeli për përmbushjen e premtimit kyç të mandatit të katër qeverisës: integrimin e Shqipërisë në Bashkimin Europian. Për këtë shefi i ekzkutivit, Edi Rama u shpreh se një kuadër ligjor i reformuar është gati dhe pret miratimin në kuvend. Rama: “I domosdoshëm është edhe reformimi i gjithë kuadrit normativ të shërbimit të jashtëm për të rritur profesionalizmin, për të garantuar edukimin në vazhdim të të gjithë trupës dhe përmirësimin sistematik të burimeve njerëzore. një draft për këtë reformim është gati dhe së shpejti në Kuvendin e Shqipërisë ne do të miratojmë të gjithë kuadrin e ri që do t’i mundësojë ministrisë për Europën dhe Punët e Jashtme të jetë më pranë dhe më efektive në përmbushjen e nevojave të përfaqësive tona që patjetër do të rrisë nga njëra anë kërkesën ndaj përfaqësive, por nga ana tjetër mbështetjen për përfaqësitë tona diplomatike.”