Nasa ka publikuar një video ku shpjegon përse ajo mendon se Marsi ka qenë i ngjashëm me tokën. Ekspertët e NASA-s shpjegojnë se Marsi dikur ka qenë shumë më i lagësht dhe më i ngrohtë. “Kur sistemi diellor u krijua më shumë se 4 miliardë vite më parë, Marsi dhe Toka u formuan nga i njëjti material ndaj edhe ishin shumë të ngjashëm. Ndërsa sot, kur shohim marsin, shohim një planet shumë të thatë krahasuar me tokën, por shohim edhe prova të liqeneve dhe rrjedhave të dikurshme”, thonë ekspertët. Sipas tyre, marsi mund të ketë patur edhe një oqean verior por sot, ka dy planete krejtësisht të ndryshme. Në videon e nasa-s tregohet se si mund të jetë dukur marsi në të shkuarën dhe bëhet krahasimi me planetin që ne njohim sot. Ngjashmëritë mes dy planeteve janë të rëndësishme për shkencëtarët sepse ato mund ti ndihmojnë në kërkimin e shenjave të jetës së hershme në mars. Ndërsa toka bëri progres me pllakat tektonike dhe me zhvillimin e jetës, aktiviteti gjeologjik në mars u ndal, humbi uji dhe ai u bë një planet shumë i thatë. Sidoqoftë, për NASA-n, marsi dikur ishte si toka, por kjo ka ndodhur miliarda vite më parë. gjurmë uji ekzistojnë ende në sipërfaqen e marsit, por janë sot në formë akulli. Mendohet edhe se ka ujë nën tokën marsiane por shkencëtarët po vazhdojnë të hetojnë në këtë drejtim.