Një automjet tip “Toyota” është përfshirë nga flakët në orët e para të mëngjesit të së enjtes, në lagjen “Kushtrimi” në Vlorë. Ngjarja ka ndodhur rreth orës 03:25 dhe nga burimet behet e ditur se makina është në pronesi te shtetasit Ermal Hoxha, punonjes i Hipotekes së Vlores. Teksa grupi hetimor ka nisur punen për zbardhjen e rrethanave të ngjarjes dhe shkakut të rënies së zjarrit, motra e Ermal Hoxhës, punonjësit të hipotekës që iu dogj makina në Vlorë hedh dyshime se ngjarja mund të jetë si pasojë e konfliktit që ajo ka me ish-bashkëshortin. Zamira Hoxha, në një prononcim për mediat, thotë se vëllai i saj nuk ka asnjë konflikt. Ndërsa shprehet se ish-bëshkëshorti i saj kërkon që ti marrë djalin dhe për këtë janë në një proces gjyqësor. “Ishte ora rreth 3 e mëngjesit, dëgjova borinë e makinës, ka treguar Zamira. Kur dola jashtë pashë makinën qe kishte marrë flakë, nga pjesa e shoferit dhe njoftova menjherë familjen. Im vëlla punon ne hipotekë ka vijuar ajo, por nuk ka shkelur njeri në kallo. Unë kam një proces me ish-bashkëshortin tim, kam 6 vjet dhe gjyqin e kam më 9 shkurt. Unë e ngre këtë si ide për ish-bashkëshortin tim me qëllim për të marrë djalin tim. Unë në polici e bëra me dije. Unë këtë hedh si dyshim, mund te jete edhe ndonje person tjeter, por une e hedh edhe kete si hipoteze”, tha e motra e Ermal Hoxhës, punonjësit të hipotekës që iu dogj makina mëngjesin e sotëm në Vlorë.