Sepp Blatter vihet sërish nën akuzë. këtë radhë prokuroria zvicerane e akuzon ish presidentin e FIFA se i ka paguar 1 milion Dollarë Federatës së Futbollit të Trinidad Tobagos. Duket se kjo pagesë është bërë nga një llogari e FIFA në 13 prill të 2010 dhe sipas raportit të prokurorisë ishte një dhuratë e tij për Jack Warner ish president i këtij institucioni për të cilin drejtësia amerikane ka kërkuar ekstradimin. Warner ka kontrolluar për një kohë të gjatë procesin elektoral të FIFA në favor të Blatter. ndërkaq janë akuzuar edhe ish sekretari i përgjithshëm i FIFA Jerome Valcke dhe Markus Kattner, ish drejtori i Financave. për Jack Warner rëndon akuza e marrjes së një ryshfeti prej 10 milionë Dollarë për kandidaturën e Afrikës së Jugut për botërorin e 2010 dhe 5 milionë për kandidaturën e Rusisë për Botërorin 2018.