Mbrëmjen e ndërrimit të viteve, Dubai do i dhurojë qytetarëve të Durrësit dhe marinës së qytetit bregdetar, një spektakël me fishekzjarre. Lajmin e ka bërë me dije, kryeministri i vendit, Edi Rama, i cili nëpërmjet një postimi në rrjetet sociale ka ftuar gjithë qytetarët durrsakë të ndjekin spektaklin në zonën e Vollgës në Durrës. PrintScreen Rama: Mirëmëngjes dhe me këtë njoftim të këndshëm për banorët e Durrësit, që në orën e këmbimit të viteve, mund të shijojnë spektaklin e fizhekzjarreve nga “Burj Khalifa” tek “Vollga”, si dhuratë e Marinës së Dubait për durrsakët mikpritës të Marinës së Durrësit, ju uroj të gjithëve një vigjilje të paqme të Vitit të Ri – shkruan kryeministri në Facebook. Nata e ndërrimit të viteve, pritet të ofrojë spektakël shumëngjyrësh fishekzjarresh në qiejt e të gjitha qyteteve shqiptarë , për të uruar fillimin e vitit të ri 2022.