Një 34 vjecar është vënë në prangat e policisë së Korcës, pasi dyshohet se ka ushtruar dhunë fizike dhe psikologjike ndaj babit të tij. Ndërkohë, 4 persona të tjerë u proceduan penalisht, për arsye të ndryshme. Dy të rinj të moshave 29 dhe 38 vjec janë shoqëruar në komisariat, pasi u kapën nga shërbimet policore, duke prerë drru në pyjet e fshatit Vithkuq. Nga ana tjetër 2 shtetas të tjerë të moshave 23 vjec, u poroceduan penalisht, pasi nuk iu bindën urdhrit të policisë për të ndaluar. Njëri nga të rinjtë po drejtonte mjetin tip Audi në momentin që policia I dha udhër për të ndaluar, ndërsa tjetri ishte pasagjer. Gjatë kontrollit fizik të ushtruar nga policia, këtij të fundit, iu gjet dhe iu sekuestru një sasi e vogël me lëndë të dyshuar narkotike kanabis.Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprime të mëtejshme.