Ai që pritej që të ishte një takim miqësor dhe që do të shuante tensionet mes Trump dhe Zelenskyt për çështjen e luftës në Ukrainë, nuk solli gjë tjetër veç asaj që me pak fjalë mund të quhet prishje e marrëdhënieve mes dy shteteve që para pak kohësh ishin në të njëjtën llogore dhe që luftonin me Rusinë. SHBA duke dhënë armatime, dhe Ukraina nga ana tjetër duke i përdorur ato kundër trupave ruse që vijojnë të përparojnë drejt Kievit. Edhe pse me forca të pakta në frontet e luftës dhe me mungesë armësh, Zelensky shkoi në Uashington në kulmin e ftohjes së marrdhënieve diplomatike; me Trump të bindur për të arritur një armëpushim në Ukrainë me kushtin që SHBA të përdorë mineralet e rralla në këtë vend; dhe në anën tjetër me aleat Putinin, i cili me ardhjen e republikanit në pushtet ka ndryshuar totalisht qasje dhe është i gatshëm të ulet në bisedime. Ndërsa Zelenksy i përjashtuar nga takimet, dhe i quajtur nga Trump një “Diktator”, në takimin e mbajtur në zyrën ovale të Shtëpisë së Bardhë, duket se u përfshi nga emocionet e inati dhe harroi misionin që kishte. Ai akuzoi Donald Trump se po bën kompromise me një vrasës, duke iu referuar presidentit rus Vladimir Putin. Tonet e larta të zërit nuk munguan gjithashtu.