Ministri I jashtëm I Greqisë Nikos Dendias ka konfirmuar mbështetjen për rrugën europiane të shqipërisë gjatë një taimi që ka zhvilluar me ambasadores shqiptare në Athinë Luela Hajdaraga. Në takimin e ministrit të jashtëm Nikos Dendias dhe ambasadores Shqiptare Luela Hajdaraga, u ra dakort për intesifikimin e kontakteve dhe nisjen sa më herët të dialogut mes dy vendeve për shportën e bisedimeve për çështjet e hapura mes dy vendeve tona, dialog i lënë në mes prej pandemisë së covid 19. Sipas zotit Dendias marrëdheniet mes dy vendeve janë strategjike ndaj nuk duhet humbur kohë për të çuar edhe më tej procesin e dialogut. Pala greke rikonfirmoi vullnetin e saj për të qënë në krye të vendeve që do të mbështesin vendin tonë në proçesin e implementimit të kritereve të anëtarësimit në bashkimin europian. Ministri i jashtëm grek shprehu dëshirën për një vizitë të afërt në tiranë ku do të ketë takime me krerët e shtetit shqiptarë, ndërsa në vazhdim Pritet konfirmim i datës së vizitës në Tiranë. Të dy palët ranë dakort për nisjen e përgatitjes për hapjen e kufijve për turistët shqiptarë, datë e cila besohet se do të jetë e afërt, por ende e pa publikuar. Gjithashtu pala greke premtoi edhe nisje sa më shpejtë të jetë e mundur e proçedurave të bashkimeve familjare, proçes që la të ndarë për më shumë se 1 vit, qindra familje në të dy anët e kufirit për shkak të pandemisë covid.