Shtetet e Bashkuara të Amerikës përcaktuan tre shtyllat kryesore ku do të shtrijnë ndikimin në Shqipëri. Në dokumentin zyrtar prej 17 faqesh, parashikohet që pritoritet kyç për selinë diplomatike amerikane në Tiranë të jetë: baza ushtarake, reforma në drejtësi dhe projekte ekonomike. Në dokument nënvizohet krijimi i selisë së përheshme të Shtabit të Forcave Speciale Operacionale amerikane me bazë në Shqipëri. Trupat ushtarake amerikane mbërritën në Shqipëri në fillim të këtij viti, por ndryshe nga misionet e mëparshme me bazë amerikane, këtë herë nuk ka një datë mbarimi. Sipas SHBA, Forcat e Armatosura Shqiptare po përballen me mangësi të konsiderueshme dhe aktualisht nuk janë në gjendje të përmbushin shumicën e objektivave të NATO-s, ndaj ishte domosdoshmëri ndërhyrja e trupave ushtarakë amerikanë.