Një cift ukrainas janë lidhur në martesë duke pozuar për fotot e dasmës mes rrënojave të Kharkivit të shkatërruar nga bombat e raketat ruse. Cifti, Nastya Gracheva dhe Anton Sokolov, janë fotografuar menjëherë pasi lidhën kurorën mëngjesin e të dielës, mes rrënojave të një kompleksi dyqanesh dhe zyrasyh në qytetin e dytë më të madh të Ukrainës. Të dy ata ishin punonjës të shëndetësisë para se lufta të niste por që atëherë janë vullnetarë dhe ndihmojnë të gjithë ata që kanë nevojë. Nastya punonte si infermiere në një klinikë onkologjike ndërsa Anton Sokolov ishte doktor. Raportohet se kur ata mbetën pa furnizime mjekësore, nisën të mblidhnin para dhe të blinin ilace për banorët e qytetit që kishin nevojë për trajtim. Kjo vjen ndërsa guvernatori rajonal i Kharkivit tha të hënën se artileria dhe tanket ruse kishin ndërmarrë të paktën 20 sulme në qytet dhe periferitë e tij në verilindje të Ukrainës gjatë 24 orëve të shkuara.