Rëndohet edhe më shumë situata nga pandemia e koronavirusit në Greqi. Në shtetin fqinj në 24 orët e fundit është regjistruar shifra rekord me 2581 raste të reja me covid 19 dhe 72 vdekje si pasojë e virusit. Situata më e rëndë paraqitet në veri të Greqisë, ku vetëm në Selanik kanë rezultuar 673 raste të reja me covid 19, ndërsa 582 janë në rajonin e Atikës, ku përfshihet edhe kryeqyteti Athina. Po kështu situata nuk paraqitet e mirë edhe me pacientët e shtruar nëpër spitale. Sipas raportit të fundit janë 4 mijë pacientë të shtruar në spitale, nga të cilët 519 ndodhen të intubuar. Nga këta pacientë në gjendje të rëndë 81.1% janë të moshave mbi 70 vjeç. Me të 72 të vdekurit e fundit numri I përgjithshëm I vdekjeve që nga fillimi I pandemisë shkon në 1419.