Donald Trump po kërcënon të vendosë tarifa 200 për qind për importet e verës, shampanjës dhe pijeve alkoolike nga BE-ja, pasi një luftë tregtare e përshkallëzuar është ndezur akoma më tej. Presidenti amerikan këmbënguli se nëse do të vendosej një taksë prejh 50 për qindësh nga brukseli për uiskin amerikan, ai do të bënte përpara me tarifën shtesë. Tarifat shtesë të propozuara për uiskin, që do të hyjnë në fuqi më 1 prill, erdhën pasi SHBA vendosi tarifa prej 25 për qindësh për importin e çelikut dhe aluminit. “Kjo do të jetë një gjë e mrekullueshme për bizneset e verës dhe shampanjës në SHBA”, tha Trump duke iu referuar takës së mundshme prej 200 për qindësh. Udhëheqësi irlandez Micheal Martin, i cili zhvilloi bisedime me Trumpin të mërkurën, tha se “tarifat rrisin inflacionin, nuk janë të mira për konsumatorin dhe as për biznesin. Por unë besoj se do të ketë ende kohë për bisedime". Ndërkohë, Britania ka thënë se do të mbajë "të gjitha opsionet mbi tryezë" në përgjigje të tarifave të vendosura nga Trump.