Një blegtor Bobby Helmers, pëlqen të ndalet e të dëgjojë zhurmën e gjashtë turbinave gjigande të erës, të tij, që ngrihen në të njëjtën fushë në teksas që dikur oshëtinte nga zhurma e pompave të naftës. Helmers, ka patur puset e naftës prej dekadash në tokën e tij, por në kushtet kur energjia e rinovueshme po bëhet gjithnjë e më e kërkuar, 79 vjecari është mes disa fermerëve, që kanë ndalur pompat e tyre dhe kanë kaluar tek energjia e erës. Ai vazhdon të habitet me zhurmën e pakët që vjen nga këto turbina masive, me diametër 120 metra dhe shijen e modernizmit që ato sollën tre vite më parë në një fermë tradicionale. Sidoqoftë, bagëtitë mbeten në fermën e san angelos, rreth 400 km në jug perëndim të dallasit. Familja Helmers dhe një punonjës rrisnin 125 lopë por sot, janë lehtësuar disia pasi gjysma e të ardhurave vjen nga turbinat e erës. Dhe këto të fundit janë shtuar shumë në zonë, për të krijuar një fermë ere me 76 turbina. Rajoni ëhstë zhvilluar falë bujqësisë, bagëtive dhe naftës, por tani, ka hedhur sytë në një tjetër drejtim. Apeli i presidentit Joe Biden për një revolucion të energjisë së pastër, duket se ëhstë dëgjuar mirë në teksas. Shteti i njohur për karburantet e tij fosile, ka investuar shumë, që nga fillimi i viteve 2000 për tu bërë prodhuesi kryesor në vend i energjisë nga era dhe prodhuesi i dytë më i madh i energjisë diellore. Ndryshe nga sa besohet gjerësisht, guvernatori i teksasit që më pas u bë president, George Bush, dhe pasardhësi i tij, Rick Perry, nuk donin që shteti të mbetej i varur vetëm tek nafta. Ata e shihnin teksasin si shteti i energjisë, me burime të shumta energjie. E si rezultat, karburantet fosile dhe energjia e rinovueshme, kanë bashkëekzistuar në teksas prej vitesh.