Ushtria e Danimarkës tha të dielën se ka konstatuar te tjere drone mbi bazat ushtarake gjatë natës. Kjo është dita e dytë me radhë që Danimarka detekton dronë, teksa shteti në javët e fundit është përballur me disa incidente të tilla. “Forcat e Armatosura mund të konfirmojnë se janë parë dronë mbi disa lokacione të ushtrisë gjatë natës. Kemi dislokuar disa kapacitete”, tha ushtria përmes një njoftimi. Ndërkohë mediat daneze raportuan se nuk pati aeroporte te mbyllura. Qe nga 22 shtatori sj Danimarka ashtu dhe Norvegjia kanë mbyllur aeroportet për orë të tëra për shkak të dronëve, ndërsa mendohet se pas tyre fshihet Rusia. Një ditë më parë, Ushtria e Danimarkës tha se dronë të paidentifikuar u panë mbi “disa objekte ushtarake” mbrëmjen e së premtes dhe të shtunën, por nuk dha më shumë detaje për këto incidente. NATO ka “rritur vigjilencën” në Baltik pas inkursioneve, njoftoi një zëdhënës i aleancës ushtarake perëndimore.