Republika ceke ka dërguar tanke T-72 dhe mjete të blinduara BVP-1 në Ukrainë – tha një burim i mbrojtjes për agjencinë e lajmeve Reuters, duke konfirmuar disa raporte të mediave lokale. Transmetuesi publik cek, fillimisht raportoi dërgesën duke treguar pamje në tëitter të një treni mbi të cilin ishin ngarkuar pesë tanke dhe pesë mjete të tjera luftarake. Ai tha se ngarkesa ishte një dhuratë dhe për të ishte rënë dakord me aleatët e NATO-s. Transmetuesi tha se informacioni ishte konfirmuar nga kreu i komisionit për cështjet evropiane në parlamentin Cek Ondrej Benesik, që tha për reuteres se e kishte marrë informacionin nga eksperti i partisë së tij për mbrojtjen. Burimi nga komuniteti i mbrojtjes në ceki, po ashtu konfirmoi se tanket dhe mjetet e tjera luftarake ishin dërguar po refuzoi të japë më shumë detaje duke cituar shqetësimet për sigurinë. Ministrja ceke e mbrojtjes tha në parlament se ajo as nuk do të konfirmonte dhe as nuk do të mohonte detajet e ndihmës ceke për Ukrainën.