Çmimi I benzinës është ulur me 12 lekë, ndërsa nafta dhe gazi mbeten të pandryshuara. Ky është vendimi I fundit I bërë publik nga Bordi I Transparencës. Prej pasdites së të enjtes në orën 18 , nafta do të shitet me 240 lekë/ litër, benzina 221 dhe gazi mbetet 81 lekë/ litër. Pavarësisht ndryshimeve në bursë, Bordi kishte plot 6 ditë pa publikur asnjë vendim, duke shkaktuar pakënaqësi tek qytetarët. Këtë të enjte çmimi i naftës për fuçi ka shkuar në 97.23 dollarë për fuçi. Ky fakt sërish nuk e ka ndikuar aspak Bordin në Shqipëri, I cili vijon të ketë çmimin më të lartë të naftës. Përgjatë gjithë këtyre javëve, çmimi I naftës nuk ka shkuar më pak se 238 lekë për litë. Ndër të tjera në njoftimin e Bordit thuhet se vijojnë kontrollet në terren për të ndëshkuar abuzuesit, me këta të fundit të cilët qëndronë në sinkron me vendimet Madje për këtë fakt, reagime të shumta janë bërë dhe nga opozita e cila fajëson kryeministrin. Po ashtu janë zhvilluar disa protesta pikërisht për rritjen e çmimeve, e fundit ajo e thirrur nga ish-kryeministri Sali Berisha dhe Partia Demokratike.