Top News – Bullgaria shënon rastet e para të Covid-19, blen 50 mijë pajisje mbrojtëse nga Turqia!

Bullgaria regjistroi rastet e saj të para të koronavirusit, ndërsa sëmundja vazhdon të përhapet në Ballkan. Bëhet fjalë për katër pacientë: një djalë 27 vjeç, një burrë 61, një grua 75 vjeçe dhe një mjeke. Gjendja e tyre është e qëndrueshme ndërsa të gjitha personat që kanë qenë së fundi në kontakt me ta i janë nënshtruar testeve. Kryeministri Boyko Borissov njoftoi se Bullgaria ka blerë 50,000 pajisje mbrojtëse nga Turqia dhe planifikon prodhimin e 3 milionë maskave dhe pajisjeve të tjera që mund të ndihmojnë në luftën kundër epidemisë, por ministri i shëndetësisë, Kiril Ananiev e pranoi se mund të duhen muaj përpara se ato të jenë gati. Të gjitha eventet kulturore dhe sportive në ambjente të mbyllura janë anuluar.