Departamenti amerikan i shtetit ka miratuar shitjen e tetë avionëve F-16 dhe pajisjeve të tjera të lidhura me to për bullgarinë, në një marrëveshje që vlerësohet se kap shumën e 1.673 miliardë dollarëve. Kontraktori kryesor do të jetë Lockheed Martin – tha Pentagoni. Zyrtarët amerikanë thanë se marrëveshja e shitjes së F-16 nuk është e lidhur në mënyrë direkte me pushtimin rus të Ukrainës, që bëri që qeveria e Kievit të kërkonte që vendet që kanë avionë luftarakë rus, MiG, përfshirë Bullgarinë, tia japin asaj për ti përdorur në luftën kundër forcave ruse. Si pjesë e bllokut sovjetik, pilotët ukrainas janë trajnuar me avionët Mig dhe mund ti përdorin ata lirisht, pa vonesa të tjera për trajnime. Ata avionë MiG në teori do të zëvendësoheshin me F-16 nga Shtetet e Bashkuara. Zëdhënësi i Pentagonit John Kirby tha ndërkohë se nuk do ta karakterizonte marrëveshjen si një lloj zëvendësimi, por nuk dha më shumë detaje për të. Një burim i afërt me cështjen tha se shitja nuk kishte të bënte shumë me luftën në Ukrainë dhe se ishte pjesë e përpjekjeve të hershme të Bullgarisë për të modernizuar dhe forcuar forcat e saj ajrore në mënyrë që të përmirësohet ndërveprimi me aleatët e NATO-s. Bullgaria e kishte njoftuar blerjen e F-16 dy vite më parë. Sidoqoftë burimet thonë se avionët janë prodhim i ri prandaj ata nuk do të jenë të gatshëm të dërgohen atje për të paktën tre ose katër vite.