Pasi nuk është më pjesë e kabinetit të ri qeveritar “Rama3’ Erion Brace është krhyer në një zë kritik dhe opozitar brenda PS. Ish-zv.kryeministri në postimin e radhës në rrjetet sociale është ndalur tek rrogat aktuale të punonjësve shqiptarë që janë të ulëta e duke theksuar se për këtë shkak dhe për kushtet e punës ata po largohen nga vendi. Sipas tij shumë prej punonjësve kanë nje rrogë më të vogël se paga minimale, ndërsa pandemia nxori në pah se sa informalitet, padrejtësi, pabarazi, paligjshmëri ka në treg e çdo ndërmarrje. “Vendosni prag te rri minimal taksimi, shkalle te re progresiviteti dhe keni mbrojtur te ardhurat e tyre!Kush ankohet se nuk gjen punetore, te rrise rrogat e tyre dhe do i kete! Sipas instat në tremujorin e dytë të këtij viti, paga mesatare mujore ishte 56. 710 lekë, në shtet 68. 196 lekë, në privat 51. 247 lekë, paga minimale 30. 000 lekë. Por, shumica derrmuese e punetoreve ne sektoret me punesim masiv-bujqesi, industri, ndertim, tregti, transport, sherbime hotelerie e ushqimi, kane nje rroge me te vogel se rroga mesatare mujore; Me e keqja, edhe sipas grup profesioneve, perseri ne secilin prej sektoreve, punetoret paguhen me rroga nen mesataren mujore”, thote brace në postimin e tij. Ai bën një krahasim me Malin e Zi ku dëgjoi disa punëtorë shqiptarë që në sektorin e ndërtimit paguheshin me 20 euro në ditë. Ish-zv. Kryeministri thotë se kjo është çështje e Partisë Socialiste dhe se kjo parti duhet ta identifikojë atë me përmirësimin e një prej cështjeve jetësore në vend, duke theksuar se nuk duhet humbur kohë deri 4 vite. “Ne duhet te rrisim rrogen minimale, te vendosim nivelin e ri minimal te tatueshem e shkallet e reja te tatimit progresiv per te mbrojtur punetoret dhe shtresen e mesme te ulet e te larte; 40 mije leke dhe tani! Duan apo nuk duan punedhenesit, rrogat do shkojne lart per shkak te kerkeses ne treg; nuk e ndalin dot me te huaj”, thotë Brace në apelin e tij drejtuar qeverisë.