Qyteti më i madh i zelandës së re, Auclandi, i tha lamtumirë 2020 me një spektakël fishekzjarresh në kullën ikonike, sky toëer, në qendër të tij. Zelanda e re, pa koronavirus, është një nga vendet ku njerëzit mund të festojnë pa ndihmën e një ekrani dhe me kufizime të pakëta. Pas Oklandit, ishte radha e Sidneit të preste 2021. Shfaqja e famshme e fishekzjarreve mbi urën e gjirit nuk mungoi edhe këtë vit, por ashtu sic ishte paralajmëruar, australianët e ndoqën nga shtëpitë, para ekraneve të televizorëve, me vetëm pak spektatorë që u lejuan ta ndiqnin personalisht. Bota filloi kështu hyrjen në vitin e ri të enjten, me masat për kontrollin e pandemisë që heshtën festimet për miliarda njerëz të paduruar ti thonë lamtumirë 2020-ës të mbërthyer nga virusi. Pas një viti të jashtëzakonshëm, që pa mbi 1.7 milionë njerëz të humbnin jetën nga covid 19, valë të reja infektimi kanë cuar në izolime të reja dhe kanë detyruar njerëzit anëembanë botës të zgjasin traditën e tyre të 2020 të ndjekjes së eventeve nga divani. Nga sidnei në Romë, spektakle fishekzjarresh dhe performanca live, do të ndiqen online ose në televizion, nëse nuk janë anuluar ende. 2021 preku të parët ishujt e vegjël në paqësor, Kiribati dhe Samoa, në orën 11 sipas orës sonë, dhe të fundit ku ai do të shkelë janë ishujt Houland dhe Baker, 26 orë më vonë.