Bosnje hercegovina ka shënuar një rekord të ri rastesh ditore të koronavirusit, për të tretën ditë radhazi, me 621 infektime të premten dhe me autoritetet që kanë paralajmëruar se sistemi i kujdesit shëndetësorë është pranë kolapsit nëse tendenca vazhdon. Vendi me rreth 3.3 milionë banorë ka regjistruar deri më tani 32845 raste të koronavirusit dhe 980 viktima. Aktualisht janë 7262 raste aktive ose 1512 më shumë se një javë më parë. Një rritje e konsiderueshme është regjistruar në kryeqytetin Sarajevë, me 248 raste të reja në dy ditët e shkuara. Shefi i qendrës klinike universitare të sarajevës, ku qendra kryesore rajonale e covidit është e vendosur, ka paralajmëruar për vështirësi në sistemin shëndetësor dhe stafin mjeksor. “Situata po bëhet shumë serioze. Numri i të infektuarve rritet cdo ditë”, tha ai. “Nëse numri i të infektuarve me covid 19 shkon shumë lart, është e sigurt se sistemi shëndetësor do të pësojë kolaps”. Autoritetet shëndetësore në vendin ballkanik po ashtu paralajmëruan se spitalet janë pranë arritjes së kapacitetit maksimal.