Një natë në supermarket. Duket si një skenar filmi por është ajo që ka ndodhur me disa klientë dhe me personelin e një dyqani të IKEA-s në Danimarkë. Një stuhi e fortë bore është përplasur mbi qytezë duke detyruar 31 persona të hanë dhe të flenë në dyqan. Një telash ky që sidoqoftë është shndërruar në një aventurë të bukur, një lloj feste me pizhama. Njerëzit e bllokuar në dyqan kanë kaluar natën duke fjetur në krevatet apo kolltukët e ekspozuar, duke patur në dispozicion edhe veshjet e gjymit e duke ngrënë panine me kanellë, duke pirë kafe dhe caj e duke parë madje bashkë edhe një ndeshje në televizion.