Sekretari i Shtetit Antony Blinken ka paralajmëruar Turqinë dhe të gjithë aleatët e Shteteve të Bashkuara që të mos blejnë armë të tjera ruse, duke thënë se kjo mund të sjellë më shumë sanksione. Marrëdhëniet SHBA-Turqi janë tensionuar shumë kohët e fundit, për cështje si, blerja nga Turqia e sistemeve ruse të mbrojtjes ajrore S-, mosmarrëveshjet për politikën ndaj Sirisë, të drejtat e njeriut. gjatë një konference virtuale në Qendrën e Shtypit të Huaj në Uashington sekretari Blinken tha se "Është gjithashtu shumë e rëndësishme në të ardhmen që Turqia, dhe kjo vlen edhe për të gjithë aleatët e SHBA, të shmangin blerjet e armatimit rus, duke përfshirë edhe S-400 të tjera’’. Zoti Blinken tha gjithashtu se duke pasur parasysh pikëpamjet gjerësisht të njohura të Presidentit Joe Biden, deklarata e tij se masakrat kundër armenëve në Perandorinë Osmane në vitin 1915 janë gjenocid, nuk ishte aspak e papritur. Zëdhënësi i Presidentit të Turqisë tha se deklarata e zotit Biden ishte "thjesht skandaloze" dhe se Turqia do të kundër përgjigjej gjatë muajve të ardhshëm.