Emiratet e bashkuara arabe kanë informuar shtetet e bashkuara se do të pezullojnë diskutimet për të blerë avionët luftarakë F-35, si pjesë e një marrëveshjeje 23 miliardë dollarëshe që përfshin edhe dronë dhe municione të tjera të avancuara. Shitja e 50 avionëve luftarakë F-35, të prodhuar nga Lockhed Martin, për Emiratet arabe ka ecur ngadalë në mesin e shqetësimeve në Uashington për marrëdhëniet e Abu Dhabit me Kinën, përfshirë teknologjinë 5G të Huaëeit në vend. “Kërkesat teknike, kufizimet operacionale sovrane dhe analiza e kostos na kanë cuar në një rivlerësim”, thanë zyrtarët e emirateve të bashkuara për agjencinë e lajmeve Reuters. “SHBA mbetet ofruesja kryesore për emiratet e bashkuara arabe, për kërkesa të avancuara në mbrojtje dhe diskutimet për F-35 mund të rihapen në të ardhmen – shtoi zyrtari. Burime në dijeni të negociatave, kanë thënë se muaj të tërë diskutime mes SHBA dhe emirateve të bashkuara janë përqendruar në mënyrën se si avionët luftarakë do të dislokohen dhe se sa nga teknologjia e sofistikuar e F-35-ave do ti zbulohej emirateve. Këto të fundit kishin nënshkruar një marrëveshje paraprake për blerjen e 50 F-35 dhe 18 dronëve të armatosur. Sidoqoftë, një zëdhënës i pentagonit thotë se partnershipi i amerikës me emiratet e bashkuara arabe, është më strategjik dhe kompleks se sa thjeshtë një shitje armatimesh dhe se uashingtoni është i angazhuar për të punuar me Abu Dhabin për të zgjidhur problemet ekzistuese.