Në harkun e 24 orëver të fundit janë shënuar 21 viktima nga koronavirusi, ndërsa janë shënuar 780 raste të reja. Nisur nga këto statistika, Ministria e Shëndetësisë dhe Mbrojtjes Sociale u bën apel të gjithë qytetarëve të zbatojnë rregullat për parandalimin e COVID 19. Gjatë kësaj të premteje janë kryer 1440 vaksinime anticovid dhe që nga fillimi i vaksinimit janë kryer në total 18 247 vaksinime. Në 24 orët e fundit janë shëruar 757 qytetarë, duke e çuar numrin e të shëruarve në 73,610 që nga fillimi i epidemisë. Aktualisht në spitalet COVID në Tiranë dhe tre spitalet rajonale po trajtohen 638 pacientë, 37 në terapi intensive, nga të cilët 9 pacientë janë të intubuar. Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë.