Presidenti amerikan, Joe Biden ka paralajmëruar të martën se ka shenja të qarta që presidenti rus, Vladimir Putin mund të jetë duke u përgatitur për përdorim të armëve kimike dhe atyre biologjike në Ukrainë. Biden ka thënë se lideri rus “është vënë me shpatulla pas muriy” si rezultat i rezistencës ukrainase dhe se ka rrezik që ai mund të ndërmarrë taktika më të ashpra Ndërkohë nga ana tjetër Presidenti ukrainas, Volodymyr Zelensky ka theksuar se shteti i tij nuk do t’iu nënshtrohet ultimatumeve nga Rusia – pasi Moska ka thënë se do t’iu mundësojë banorëve të Mariupolit që të ikin, nëse Ukraina dorëzon qytetin. Ai ka bërë thirrje për bisedime me presidentin rus, Vladimir Putin, me qëllim që Moska t’i japë fund të konfliktit. Biden, ka zhvilluar një bisedë telefonike me liderët evropianë, me të cilët ka folur për gjetjen e një zgjidhjeje për luftën në Ukrainë.