Presidenti amerikan, Joe Biden, tha se manjati 92 vjecar Rupert Murdoch, e ka bërë atë të duket si këngëtari Harry Styles dhe bëri shaka duke thënë se ai ishte mik me një nga etërit themelues të shteteve të Bashkuara, James Madison...Këto komente, në darkën e përvitshme me gazetarët që mbulojnë shtëpinë e bardhë, shkaktuan jo pak të qeshura. Presidenti zakonisht, përpiqet të bëjë batuta miqësore dhe me humor para gazetarëve në darkën e korrespondentëve. Biden, tani 80 vjec, ka shpallur planet për rikandidim në zgjedhjet e vitit të ardhshëm dhe ka kundërshtuar kritikët që mendojnë se ai është shumë i vjetër për ta bërë këtë. Ai po ahstu sulmoi edhe gazetat që sipas tij kanë gënjyer për përfitime dhe pushtet, duke nxitur urrejtjen, në disa komente të ndërthurura edhe me humor që kishin në shënjestër Fox Neës. Biden tha se e vërteta ishte groposur nga gënjeshtrat në një referencë të dukshme për teoritë konspirative të rreme që fitorja e tij në zgjedhjet e 2020-ës ishte rezultat i një manipulimi masiv votash. Në darkën e këtij viti, morën pjesë dhjetëra gazetarë që mbulojnë shtëpinë e bardhë, bashkë me zyrtarë të qeverisë. Kjo darkë, zakonisht është një lloj arene për yjet e industrisë së argëtimit për tu afruar me elitën e pushtetit në Uashington. Presidentët, me përjashtim të donald Trump, zakonisht marrin pjesë në darkë dhe i lidhin fjalimet e tyre me amendamentin e parë të kushtetutës amerikane që garanton lirinë e fjalës dhe shtypit. Por vitet e fundit këto darka kanë patur edhe momente tensioni. Në 2011, presidenti i atëhershëm Barak Obama, shfrytëzoi një pjesë të fjalimit për të kritikuar Donald Trump, asokohe të ulur mes audiencës. Trump atëherë përhapte deklarata të rreme sipas të cilave Obama nuk kishte lindur në Shtetet e Bashkuara. Më shumë se një dekadë më pas, Trump, vazhdoi me të njëjtën frymë duke përdorur madje termin “Armik i popullit” për t’iu referuar disa gazetarëve kritikë ndaj tij.