Talebanët pritet të bombardojnë rezistencën e Luanëve të Panjshirit me kamikazë në betejën e përgjakur në lidhje me rajonin e fundit që po i bën rezistencë grupit ekstremist. Luftëtarët e rezistencës në luginën e Panjshirit thanë të premten se ata po luftonin për të zbrapsur sulme të rënda. Përpjekjet për të arritur një marrëveshje paqeje mes dy palëve kanë dështuar dhe talebanët po provojnë të kapin provincën e fundit që po u bën rezistencë pasi morën kontrollin e pjesës tjetër të afganistanit. “Talebanët kanë një avantazh të konsiderueshëm”, thotë Nishank Motvani, një analist afgan me bazë në australi, duke shtuar se islamikët janë fuqizuar nga fitoret e fundit. Ata janë të armatosur mirë dhe kanë faktorin psikologjik në anën e tyre pasi rrëzuan qeverinë shumë shpejt. Talebanët vec të tjerash kanë shtënë në dorë një arsenal të jashtëzakonshëm armatimesh dhe pajisjesh ushtarake që trupat amerikane lanë pas. Por, luftëtarët e frontit të rezistencës kombëtare, të përbërë nga milici anti talebane dhe ish forca sigurie të afganistanit, besohet po ashtu se kanë armatime domethënëse në luginë. Mijëra luftëtarë anti talebanë janë mbledhur në bastionin e fundit dhe po njihen tani si Luanët e Panjshirit. Ata janë një nga xhepat e fundit të rezistencës së organizuar që kur talebanët morën vendin pas tërheqjes amerikane. Të mërkurën, një zyrtar taleban, Amir Khan Muttaqi, u drejtoi një mesazh duke thënë se forcat e tyre kishin rrethuar luginën. Por, duket se luanët e Panjshirit nuk kanë ndër mend ta bëjnë këtë.