Ligjvënësit italianë do të zgjedhin presidentin e ri të vendit më 24 janar, me kryeministrin aktual, Mario Draghi, mes pretendentëve kryesorë. Edhe pse funksioni i presidentit është në teori honorifik, ky i fundit ka një rol kyc në Itali në rastin e një krize qeveritare. Në këtë kuptim, presidenti në largim, Sergio Mattarella, iu drejtua Draghit, ish shefit të Bankës Qendrore Evropiane, në shkurt, për të pasuar Giuseppe Conten si kryeministër pasi ky i fundit humbi shumicën në parlament. Draghi, 74 vjec, është bërë që atëherë shefi i një qeverie koalicioni me bazë të gjerë që varion nga e majta e deri tek lega e veriut e matteo salvinit apo e djathta e Silvio Berluskonit, me këtë të fundit që në moshën 85 vjecare, do të donte ta shihte veten president, por që konsiderohet si një figurë divizive. Shtypi italian ka përmendur prej javësh emrat e mundshëm që do të zëvendësonin Mattarellën, një sicilian 80 vjecar që ka mishëruar unitetin. Mes tyre është edhe emri i Draghit. Por vetë ky i fundit, i pyetur për të ardhmen e tij, nuk ka pranuar të përgjigjet në mënyrë direkte duke i thënë gazetarëve: fati im personal nuk ka aspak rëndësi. Unë nuk kam aspirata të vecanta. Unë jam një burrë, një gjysh nëse ju pëlqen, në shërbim të institucioneve”.