Ish-kryeministri Sali Berisha, deklaroi votën pro shkarkimit të Veliajt nga posti I kreut të Bashkisë, të këshilltarëve demokratë në Këshill. Por përkundër kësaj, kryedemokrati kërkoi që Veliaj të dëgjohej në këtë mbledhje. Ajo që kërkojmë ne është që Erion Veliaj të lejohet të flasë para Këshillit Bashkiak. Këshilltarët tanë janë të parët që kanë kërkuar në mënyrë të përsëritur shkarkimin e tij. Nuk ka diskutim se vota e tyre është automatikisht për shkarkimin. Por në qoftë se Edi Rama nuk ka frikë nga Erion Veliaj, se i nxjerr krimet e tij, ta lërë të flasë aty. KRahas kësaj, Berisha u ndal edhe tek zgjedhjet e pritshme të pjesshme lokale, mes të cilave është edhe gara për Bashkinë e Tiranës. Ai deklaroi se PD ka disa emra që mund të garojnë përballë Manastirliut, por theksoi se do të presë propozime edhe nga aleatët, pasi synon daljen në zgjedhje në koalicion.