Ish-ministri i Shëndetësisë Ilir Beqaj u paraqit në SPAK për të respektuar masën e sigurimit detyrim paraqitje. Në një prononcim të shkurtër për mediat ai theksoi se është i hapur për të zbatuar atë që kërkon drejtësia duke theksuar mes tjerash se kërkon që dhe drejtësia të jetë korrekte me të. U thirra për çështjen e sterilizimit. Kam kërkuar që laptopin që kam të gjithë materialet e sterilizimit të më kthehen që të mund të vazhdojë komunikimi. Jam i hapur për të zbatuar diçka që kërkon drejtësia siç kërkoj dhe nga drejtësia që të jetë minimalisht korrekte me mu. Ka katër javë që kemi kërkuar të gjithë raportin e KLSH që është ndërtuar pretendimi i shkeljeve të ndryshme dhe akoma nuk më është vënë në dispozicion”