Forcat e mbështetura nga rusia në Ukrainën lindore po rrisin gadishmërinë e tyre luftarake dhe kanë kryer stërvitje të zgjeruara – tha drejtoria e inteligjencës në ministrinë ukrainase të mbrojtjes. Kievi dhe vendet e NATO-s kanë shprehur shqetësim se lëvizjet e trupave ruse afër kufijve të Ukrainës mund të hapin rrugën për një përshkallëzim ushtarak. Rusia thotë se nuk ka plane të tilla dhe ka akuzuar ukrainën dhe shtetet e bashkuara se kanë ndezur tensionet. Forcat e mbështetura nga rusia në rajonin e donbashit, në ukrainën lindore, kanë luftuar me trupat ukrainase në një konflikt që Kievi thotë se i ka marrë jetën 14 mijë personave që nga 2014-ta. Rusia po rrit gadishmërinë ushtarake të forcave ruse pushtuese në territorin e pushtuar të Donetskut dhe Luhanskut- tha ministria e mbrojtjes në një deklaratë duke iu referuar donbashit. Stërvitjet nisën të hënën dhe përfshijnë edhe rezervistët. Agjencia e zbulimit të huaj të Rusisë, të hënën, i krahasoi tensionet aktuale me ato që ekzistonin në prag të luftës së shkurtër në të cilën forcat ruse shkatërruan ato të gjeorgjisë fqinje. Zyrtarët amerikanë kanë thënë për agjencinë e lajmeve Reuters ndërkohë se është e paqartë nëse presidenti rus ka vendosur se cfarë veprimi duhet të ndërmarrë.