Personat që janë vaksinuar kundër koronavirusit mund të jenë bartës të virusit ndaj duhet të respektojnë në vazhdimësi rregullat e izolimit, sipas ekspertët të lartë britanik, Jonathan Van-Tam. Në një shkrim për Sunday Telegraph, Van Tam e pohon se shkencëtarët “ende nuk e dinë me saktësi ndikimin e vaksinës tek përhapja e sëmundjes, kjo pavarësisht faktit që vaksinimi sipas tij ofron shumë “shpresë” dhe shkalla e infektimit duhet të nisë të ulet shpejt. Nga sa ka pohuar më herët Ministri britanik i Shëndetësisë, Matt Hanccok, në Mbretërinë e Bashkuar 75 për qind e personave mbi moshën 80-vjeçare e kanë marrë tashmë dozën e parë të vaksinës. Vaksinat e kompanive, Pfizer/BioNTech dhe Oxford-AstraZeneca, duhet marrë në dy doza. Profesori Van-Tam këmbëngul se “asnjë vaksinë nuk është” 100 për qind efektive, dhe sipas tij, nuk ekziston një mbrojtje e garantuar. “Edhe pasi të keni marrë të dyja dozat a vaksinës, ju ende mund t’ia transmetoni koronavirusin dikujt tjetër dhe kësisoj zinxhiri i përcjelljes së virusit, vazhdon”, ka shkruar ai.