Vendet baltike po bisedojnë me aleatët e NATO-s për rritjen e numrit të ushtarëve të aleancës në territoret e tyre për të zbrapsur kërcënimin rus. Deklarata është bërë nga kryeministri i estonisë i cili bashkë me sekretarin e përgjithshëm të natos, nënvizuan se cdo sulm rus mbi Ukrainë, do të kërkonte një vendim radikal. Stoltenberg tha pas bisedimeve të një dite më parë të këshillit NATO-Rusi, se përforcimet në vendet më lindore të NATO-s do të rriteshin shumë nëse Moska do të ndërhynte ushtarakisht në Ukrainë. Estonia, Letonia dhe Lituania, dikur nën kontrollin e Moskës, janë anëtarë të NATO-s dhe BE-së që nga 2004 dhe prej kohësh kanë kërkuar më shumë angazhim të NATOs. Sigurisht që ne po diskutojmë me aleatët tanë për të shtuar praninë e trupave këtu në mënyrë që ato të shërbejnë si një mburojë – tha kryeministri estonez. Nëse shihni hartën – shtoi ai, vendet e baltikut janë një gadishull i natos ndaj edhe ne kemi shqetësimet tona. Një zyrtar i NATO-s tha për agjencinë e lajmeve Reuters se cështja e dislokimit të më shumë trupave në Baltik do të diskutohet nga ministrat e mbrojtjes të NATO-s që do të takohen në mes të shkurtit. Njësi të NATO-s ishin vendosur në lituani, letoni, estoni dhe poloni pasi rusia aneksoi krimenë nga ukraina në 2014.