Me dritën jeshile që u dha nga autoritetet shëndetësore evropiane, në fillim të javës, fushatat e vaksinimit në të gjithë BE-në fillojnë për cështje orësh, pavaresisht se hungaria prishi radhet duke administruar vaksinat e para te shtunen. Më herët, anglia, SHBA dhe disa vende amerikano latine e nisën vaksinimin. Vetëm një vit pas daljes në skenë të covid 19, antidoti i saj është tani i disponueshëm, por pikëpyetjet janë të shumta...Prodhimi dhe hedhja në treg e një vaksine të re, zakonisht kërkon deri në 10 vite kohë, nëj periudhë e reduktuar në më pak se një vit për covid 19, falë përshpejtimit të procedurave kërkimore, atyre të prodhimit industrial dhe vlerësimit. Britania e madhe dha dritën jeshile e para, më 2 dhjetor, për vaksinën e pfizer dhe biontech. Që atëherë, dhjetëra e mijëra të moshuar dhe punonjës të shëndetësisë e kanë marrë dozën e parë. Në shba, janë autorizuar dy vaksina; ajo e pfizer dhe biontech dhe e modernës. Në total, 16 shtete dhe bashkimi evropian i kanë dhënë dritën jeshile vaksinës amerikano-gjermane. Nga ana e saj, rusia nisi vaksinimin më 5 dhjetor, me Sputnik V që është ende në fazën finale të testeve klinike. Ndërsa autoritetet kineze, i kanë dhënë dritën jeshile për përdorim emergjent disa vaksinave të tyre. Paqartësi mbeten në lidhje me efektet anësore dhe kohëzgjatjes së mbrojtjes që vaksinat ofrojnë? Sidoqoftë, bashkimi evropian, po flet për të ashtuquajturën V Day, ose ditën e fitores; që është kjo e dielë. Pamjet: AFP