Bashkimi Europian ka varur shumë shpresa tek fabrikat e reja të prodhimit të vaksinave në Gjermani dhe Holandë, të cilat pritet ta përshpjetojnë furnizimin. Fabrika e vaksinës "Halix" në Leiden të Holandës arriti të marrë lejen për prodhim nga Agjencia Europiane e Medikamenteve. Koncerni i Leiden prodhon prej javësh me intensitet të lartë, por certifikimin për këtë fabrikë koncerni suedezo-britanik e kishte kërkuar me vonesë tek EMA. Pse ka ndodhur kjo, nuk dinin të jepnin përgjigje as funksionarët e bllokut. Tani dozat e prodhuara nga Astrazeneca atje mund të shpërndahen më shpejt. Se sa doza vaksine ka aty nuk është e qartë, por eurokomisionerja për Shëndetësinë, Stella Kyriakides tha në Bruksel, se koncerni tani duhet të përmbushë shpejt detyrimet e tij. Komisioni Europian e akuzon kompaninë britaniko-suedeze se nuk e po përmbush kontratën e nënshkruar me BE. Në gjysmën e parë të viti 2021, kjo firmë do duhej të furnizonte bashkimin europian e 300 milionë doza, por vetëm pas sherresh të ashpra, mezi premtoi 100 milionë doza dhe deri tani ka dorëzuar vetëm 13 milionë doza. Ndërkohë, detyrimet me Londrën i përmbush në kohë. EMA pret që me vaksinat e reja, prodhimi dhe shpërndarja e vaksinës së AstraZenecas të rritet masivisht në BE. Deri tani kompania kishte vetëm tre fabrika prodhuese nën kontratë, një në Belgjikë, një në Britaninë e Madhe dhe në SHBA.