Kina planifikon të dominojë oqeanin Atlantik me baza të reja detare për luftanijet dhe nëndetëset e saj në brigjet perëndimore të afrikës. Alarmi është lëshuar nga zyrtarë të zbulimit amerikan. Një zyrtar i lartë nga administrata Biden tha se Pekini synon të ngrejë bazën e parë të përhershme ushtarake të tij pranë brigjeve të Guinesë Ekuatoriale. Shefat e inteligjencës besojnë se presidenti i kinës shpreson të bindë liderin e vendit afrikan të shndërrojë portin ekzistues të Bata-s në një bazë ushtarake. |Si pjesë e diplomacisë sonë për të trajtuar edhe problematikën e sigurisë së deteve, ne ia kemi bërë të qartë guinesë ekuatoriale se disa hapa të mundshëm që kanë të bëjnë me aktivitetin kinez atje, do të rrisnin shqetësimet për sigurinë”, tha burimi për Ëall Street Journal. Në 2009, kina ndërtoi një port komercial në Bata, një nga qytetet më të mëdha të vendit. Në tetor, zëvendëskëshilltari për sigurinë kombëtare të presidentit Biden, Jonathan Finer, u dërgua në Guinenë Ekuatoriale për të biseduar me presidentin e vendit për një cështje urgjente. Por presidenti 72 vjecar i Guinesë, dërgoi të birin të bisedonte me Finer. Pas vizitës, trashëgimtari postoi një video në instagram ku falenderonte zyrtarin amerikan për vizitën. Një javë më vonë, ai falenderoi një delegacion kinez për ndihmën e dhënë për vendin e tij.